Wednesday, 22 January 2014

പര്‍ദ്ദ..!!,,(ദയവു ചെയ്തു ,,ഇത് വായിച്ചാരും കൊല വിളി നടത്തേണ്ട!...

മുന്‍കയ്യും,പാദവും ഒഴികെ
ബാക്കി ഭാഗമെന്നില്‍ കറുത്ത
ശീലയാല്‍ ഭദ്രം!
മുന്‍ പിന്‍ അഴകളവുകള്‍
 മറയ്ക്ക്യുമെങ്കിലും,,,കാണുന്നവനില്‍
നെഞ്ചിടിപ്പുയര്‍ത്തുന്ന
പര്‍ദ്ദയില്‍ ഞാന്‍ കുലീന!!

മറ്റുള്ളവരില്‍ നിന്നെന്‍ ശരീരത്തെ
മാന്യമായ്‌  മറക്ക്യലാണ്
പര്‍ദ്ദ തന്‍ ധര്‍മ്മമെങ്കിലും
ആരെയും കൊതിപ്പിക്ക്യാന്‍
പാകത്തില്‍ ഞാനണിയും
അബായ!!!!

തൊലിയില്‍ മാസ്കിട്ട പോല്‍
അതെന്നോടൊട്ടി  കിടക്കും..
ചിപ്പിയില്‍ വിളങ്ങും
മുത്തു പോല്‍..ഞാനന്നേരം തിളങ്ങും!

സ്വിമ്മിംഗ് സൂട്ടിനെക്കാള്‍
മനോഹരമായെന്‍
ശരീരത്തെ മറച്ചു കൊണ്ട്
വെളിവാക്കാന്‍
മറ്റെന്തു വേഷമാണ്
എനിക്കനുയോജ്യം???  .


( പര്‍ദ്ദ ശരീരം മാന്യമായി മറയ്ക്കാനുള്ളതാണ്,,അല്ലാതെ അത് ശരീരത്തോട് ചേര്‍ത്തു തൈച്ചു വൈക്ക്യാനുള്ളതല്ല,,അതിനേക്കാള്‍ ഭേദം മാന്യമായി തൈച്ച  ചുരിദാര്‍..അല്ലേല്‍ ടോപ്പും..പാന്റ്സുമല്ലേ??  ) 

Friday, 10 January 2014

പുരുഷന്‍???

എല്ലാവരുംന്നു പറയണില്ല്യ...
 ഒട്ടുമിക്കവര്‍ക്ക്യും ...
അമ്മയും നേര്‍ പെങ്ങളുമൊഴിച്ച്
 മറ്റെല്ലാ പെണ്തരിയും..
വെറുമൊരു പെണ്ണാണ്...
വിത്തിടാന്‍ മാത്രമായൊരു വയല്‍...
അല്ലേല്‍ ഉറക്കം വരാ രാത്രികളില്‍
 വ്യായാമത്തിനൊരു സ്വപ്ന കൂട്ട്!!
 മനസ്സില്ലവള്‍ക്ക്..!
വെറുമൊരു ശരീരം മാത്രം...!!

അവിടെ ബന്ധുമിത്രങ്ങളില്ല..
. അമ്മായി..കുഞ്ഞമ്മ...ചേടത്തി
 എന്ത് വിളി പേരിട്ടു വിളിച്ചാലും
 അവന്‍റെ കാമാഗ്നിയില്‍
 അലിഞ്ഞു ചേരുമൊരു ഈയാം പാറ്റ!...

 എന്തിന്നവനെ മാത്രം കുറ്റം ചാര്‍ത്തണം??
പഠിച്ച ചരിത്രങ്ങളില്‍ ..പുരാണങ്ങളില്‍...
 ഇതിഹാസങ്ങളില്‍ ,,
കണ്ട പുരുഷ പ്രജകളില്‍
 സ്ത്രീ ചിത്തരാണധികവും ...
 അവന്‍റെ സിരകളില്‍ പതയുന്ന ജീനില്‍  
അതിന്‍ ബഹിര്സ്പുരണം
 കാണാതിരിക്ക്യുന്നതെങ്ങിനെ??

 അവന്‍ ചെളി കണ്ടാല്‍ ചവിട്ടുമെന്നും..
വെള്ളം കണ്ടാല്‍  കഴുകുമെന്നും സമൂഹം!! 

 പെണ്ണോ?? ചെളിയില്‍ വീണാല്‍പിന്നെ
 അതിലൊരു നീരാട്ട്!
അത് മാത്രമാണവളിന്‍ വിധി!
സൌന്ദര്യം കൊടുത്ത പടച്ചവനെന്തേ
 സദ്യയില്‍ അല്‍പം ഇഞ്ചിക്കറി
എന്നത് പോല്‍ മാത്രമെങ്കിലും...
ഇച്ചിരെ ബുദ്ധി കൂടി വിളംബാഞ്ഞു??
അല്ലേലും കുതിരക്ക്യു കൊമ്പ് കൊടുക്കില്ല്യാലോ ല്ലേ?
 അതും ഒരു വിധി തന്‍ വിളയാട്ട്‌!!!